Տրվեց հունվարյան հանդիպումների մեկնարկը։ Ֆիլմադարան ակումբը հրավիրում է բոլորին մասնակցելու «Ծիրանի ծառ» Ուջանի վավերագրական ֆիլմերի միջազգային փառատոնի կազմակերպիչների կողմից հիմնադրված Ուջանի կինոդպրոցի անձնակազմի և ֆիլմադարան ակումբի մասնակիցների, սովորողների հետ հանդիպմանը:
- Հանդիպման օրը՝ հունվարի 11, Ժամը՝ 14:00, վայրը՝ Կրթահամալիրի քոլեջ, վերնատուն
Օրվա հյուրերը՝ «Ծիրանի ծառ» Ուջանի վավերագրական ֆիլմերի միջազգային փառատոնի կազմակերպիչների կողմից հիմնադրված Ուջանի կինոդպրոցի անձնակազմ.
Գարեգին Զաքոյան — փառատոնի տնօրեն
Արթուր Վարդիկյան — ծրագրերի տնօրեն
Վահան Խաչատրյան — փառատոնի համակարգող
Հանդիպման օրակարգը
- Ծանոթացում հյուրերի հետ
- Շրջայց Քոլեջի լաբորատորիաներով, Խաղողի և գինու դպրոց,սեղանատուն,կացարան
- Քննարկում
- «Հոգատարություն» նախագծի ներկայացում
- Մասնագիտական խորհուրդներ ակումբի անդամներին
- Հետագա համագործակցություն
- Գինու համտես
- Հյուրասիրություն
Հանդիպումից առաջ՝
«Ծիրանի ծառ» Ուջանի վավերագրական ֆիլմերի միջազգային փառատոնի կազմակերպիչների կողմից հիմնադրված Ուջանի կինոդպրոցը նպատակ ունի՝ ի լրումն գյուղում բազմապիսի ֆիլմերի ցուցադրությանը, էլ ավելի խորացնել կինոմշակույթի տարածումը հանդիսատեսի շրջանում։ Դպրոցի 14-15-ամյա սաներին հնարավորություն է ընձեռվում զարգացնելու իրենց ստեղծագործականությունը և փառատոնի անձնակազմի աջակցությամբ սեփական կարճամետրաժ ֆիլմերը նկարահանել բջջային հեռախոսներով։
Իրան, 2019, 30
Ռեժիսոր և սցենարի հեղինակ՝ Ջաֆար Նաջաֆի
Օպերատոր՝ Ահմադ Բաբադի
Պրոդյուսեր՝ Մարյամ Նաղիբի
Մոնտաժող՝ Հուդա Արշադ Ռջահի
Հնչյունավորող՝ Սաիդ Բահրամի
Աշոն պատանի հովիվ է, ով վայելում է կյանքը իրանական լեռներում: Նրա բոլոր ոչխարները հայտնի մարդկանց՝ դերասանների, դերասանուհիների ու քաղաքական գործիչների անուններն են կրում. ամեն ինչ կախված է վերջիններիս սանրվածքից: Աշոն նաև ձեր տեսած ամենայուրատիպ կինոմանն է: Նա տոննաներով ֆիլմեր է նայում դաշտերում իր ճաքաշ պլանշետի վրա ու երազում է մի օր կինոաստղ դառնալ: Մինչ այդ ակնկալվում է, որ նա, ծնողների պայմանավորվածության համաձայն, կամուսնանա իր կուզեն Փարիի հետ: Ապշեցուցիչ գեղեցկության, երազային բնապատկերներն իդեալական ֆոն են տրամադրում բնածին աստղի այս ռոմանտիկ ֆիլմ-դիմանկարի համար:
ՊԱՐԳԵՎՆԵՐ
Լավագույն վավերագրություն, Մանկական վավերագրությունների մրցույթ, IDFA, Ամստերդամ, Նիդերլանդներ, 2019; Պատվավոր դիպլոմ, DOK Leipzig, Գերմանիա, 2019; Լավագույն վավերագրական կարճամետրաժ, «Սինեմա վերիտե» Իրանի վավերագրական ֆիլմերի միջազգային փառատոն, Թեհրան, Իրան, 2019:
ՋԱՖԱՐ ՆԱՋԱՖԻ
1986 թվականին ծնված Ջաֆար Նաջաֆին Թեհրանի Արվեստի համալսարանի կինոուսանող է: Այժմ աշխատում է լուսանկարչի ու կինովավերագրողի գործունեության զարգացման վրա: Մասնագիտական կարիերան սկսել է որպես ռեժիսորի օգնական և օպերատոր: Այս պահի դրությամբ նա հեղինակել է երկու ֆիլմ՝ «Գոյության գույնը» հեռուստատեսային վավերագրությունը և «Աշո» կարճամետրաժը:
Be First to Comment